Plantun de Prouvènço

Pèr coumpara dos planto d'encò nostre

Vicia segetalis & Asparagus acutifolius

Vicia segetalis

Fabaceae Leguminosae

Nom en français : Vesce des moissons.

Descripcioun :
Sèmblo proun à la vesso-fèro, Vicia sativa, pamens se n'en destrìo qu'a li flour pu pichoto (< 1,6 en liogo de > 2 cm) amé d'alo pus acoulourido, de fuioun mai en lanço, de grano pu pichoto (< 3 mm) e subretout de dóusso mens longo (<6 mm) e negro un cop maduro.

Usanço :
La flour èi manjadisso. Coume pèr li jaisso, èi pas counseia de manja de grano de vesso, que soun empouisounanto e dounon uno malautié néuroulougico, lou latirisme (presènci d'ODAP).

Port : Grando erbo
Taio : 10 à 80 cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Vicia
Famiho : Fabaceae
Famiho classico : Leguminosae

Ordre : Fabales

Coulour de la flour : Roso
Petalo : irreguliero
Ø (o loungour) flour : 1 à 1,6 cm
Flourido : Printèms

Sòu : Ca
Autour basso e auto : 0 à 1200 m
Aparado : Noun
Mars à juliet

Liò : Champ - Camin - Ermas
Estànci : Termoumediterran à Coulinen
Couroulougi : Óurigino Irano-touranienno
Ref. sc. : Vicia segetalis Thuill., 1799 (= Vicia sativa subsp. segetalis (Thuill.) Celak., 1875 )

Espargo-fèro

Asparagus acutifolius

Asparagaceae

Àutri noum : Aspàrgou, Espargasso, Roumanin-couniéu, Roumiéu-couniéu, Pèd-de-Róumi.

Nom en français : Asperge sauvage.

Descripcioun :
L'espargo-fèro es uno planto bèn couneigudo de nòsti garrigo e éusiero. A la fin de l'ivèr sort de terro, èi lou moumen de l'acampa ! Pièi la tijo devèn duro coume uno co-rudo. Flouris tardié, raramen avans juliet.

Usanço :
Coume l'avèn di, s'acampo à la primo pèr li meleto. La planto èi proun bono pèr la santa, richo en vitamino (A, B, C, PP...) e en sau mineralo (P, Mn...). Fai pissa (óudour de 1,2-ditiole) e es un pau lachativo.